---

   O‘zbekiston Respublikasi yangi tahrirdagi Konstitutsiyasining mazmun-mohiyatini keng jamoatchilikka yetkazish maqsadida Xorazm viloyati yoshlar siyosati va sport boshqarmasida yig'ilish o'tkazildi. Mazkur yig'ilish davomida yangi tahrirdagi Konstitutsiyaning o‘ziga xos xususiyatlari, avvalgi Konstitutsiyadan farqli tomonlari haqida so‘z yuritildi.

Shuningdek, yangi tahrirdagi O‘zbekiston Respublikasi Konstitutsiyasida belgilangan konstitutsiyaviy normalarning ijrosini so‘zsiz ta’minlash barcha sohalarda “inson qadri”ning tom ma’noda yuksalishiga, davlat va jamiyat hayotini “inson – jamiyat – davlat” degan tizimga asoslangan yangi va zamonaviy tarzda boshqarish imkonini beradi. Shu boisdan, yangi tahrirdagi Konstitutsiya ijrosini to‘liq ta’minlash barcha darajadagi davlat organlari va tashkilotlarining birinchi navbatdagi ustuvor vazifasidir.

Boshqarma yuriskonsulti M.Axmedov tomonidan yangi tahrirdagi Konstitutsiya ijrosini so‘zsiz ta’minlash yuzasidan amalga oshiriladigan birinchi navbatdagi ustuvor vazifalar, Yangi tahrirdagi O‘zbekiston Respublikasi Konstitutsiyasining asosiy prinsiplari, fuqarolarning asosiy huquqlari, erkinliklari va burchlari yuzasidan ma’ruza va taqdimotlar qilindi.